काठमाडौँ। साताको चौथो कारोबार दिन बिहीबार पनि नेप्से सूचकमा गिरावट आएको छ। यद्यपि, सूचक घटेपनि कारोबार रकम भने बढेको छ।

नेपाल स्टक एक्सचेन्ज (नेप्से) बिहीबार १०.०७ अंकले घट्दै २७३०.१७ विन्दुमा बन्द भएको छ। अघिल्लो कारोबार दिन बुधबार नेप्से ४.१५ अंकले घटेको थियो भने मंगलबार ३९.४४ अंकको गिरावट आएको थियो। सोमबार भने ३८.१९ अंकले वृद्धि भएको थियो।

बिहीबार सेन्सेटिभ इन्डेक्स पनि ०.३४ अंकले घटेर ४६७.२० विन्दुमा पुगेको छ, जुन अघिल्लो दिनको तुलनामा ०.०७ प्रतिशतको गिरावट हो। यस्तै फ्लोट इन्डेक्स ०.३१ प्रतिशत र सेन्सेटिभ फ्लोट इन्डेक्स ०.०८ प्रतिशतले घटेका छन्।

बिहीबार कुल ३३७ कम्पनीका सेयर ४६ हजार ४०२ पटक कारोबार हुँदै ७९ लाख ५८ हजार ७५२ कित्ता सेयर किनबेच भएका छन्। यस दिन कुल कारोबार रकम ३ अर्ब २९ करोड २ लाख ४४ हजार ६१९ रुपैयाँ पुगेको छ।

अघिल्लो दिन बुधबार २ अर्ब ८० करोड ७४ लाख ४६ हजार ३६१ रुपैयाँको कारोबार भएको थियो भने मंगलबार ४ अर्ब ६६ करोड ५० लाख २० हजार ६७७ रुपैयाँ र सोमबार ४ अर्ब ६१ करोड ३५ लाख ६३ हजार ६३५ रुपैयाँको कारोबार भएको थियो।