काठमाडौं । रसुवाको भोटेकोशी बाढीबाट उद्धार गरी काठमाडौं ल्याइएका घाइतेहरूको उपचार राजधानीका विभिन्न १३ अस्पतालमा भइरहेको छ ।

घाइतेको उपचार सहज बनाउन तथा आफन्तलाई बिरामीको अवस्थाबारे जानकारी लिन सजिलो होस् भनेर सम्बन्धित अस्पतालहरूको नाम र सम्पर्क विवरण सार्वजनिक गरिएको छ ।

घाइतेहरूको उपचार महाराजगन्जस्थित टिचिङ अस्पताल, राष्ट्रिय ट्रमा सेन्टर, महाबौद्धस्थित वीर अस्पताल, नेपाल मेडिकल कलेज, छाउनीस्थित वीरेन्द्र सैनिक अस्पताल र बलम्बुस्थित एपीएफ अस्पतालमा भइरहेको छ ।

त्यस्तै, स्वयम्भूस्थित मनमोहन अस्पताल, बसुन्धराको ग्रिनसिटी अस्पताल, धुम्बाराहीको हेम्स अस्पताल, थापाथलीको नर्भिक अस्पताल, धापासीको ग्रान्डी अस्पताल, मनमैजुको मनमैजु शुभम् अस्पताल र थापाथलीस्थित प्रसूति गृहमा समेत घाइतेको उपचार भइरहेको जनाइएको छ ।

सम्बन्धित अस्पतालमा उपचाररत घाइतेका आफन्त तथा सरोकारवालाले अस्पताल प्रशासनसँग सम्पर्क गरी बिरामीको स्वास्थ्य अवस्था र उपचारबारे जानकारी लिन सक्नेछन् ।