काठमाडाैं। प्रधानमन्त्री बालेन्द्र शाह संयुक्त राष्ट्रसंघको महासभामा सहभागी हुन आगामी असोज ६ गते न्यूयोर्क जाने भएका छन्। प्रधानमन्त्री शाह असोज ९ गते स्वदेश फर्किने कार्यक्रम रहेको छ।

छोटो अवधिका लागि न्यूयोर्क जाने प्रधानमन्त्री शाहले महासभालाई सम्बोधन गर्ने तयारी छ। यसपटकको सम्बोधनमा उनले नेपालमा पछिल्लो समय देखिएको जलवायु परिवर्तनको असर तथा प्राकृतिक विपद्का विषयलाई प्राथमिकताका साथ उठाउने तयारी गरेका छन्।

भोटेकोशी बाढीबाट ठूलो जनधनको क्षति भएपछि प्रधानमन्त्री शाहले जलवायु परिवर्तनका कारण नेपालले भोगिरहेको जोखिमबारे अन्तर्राष्ट्रिय समुदायको ध्यानाकर्षण गराउनेछन्।

यसअघि परराष्ट्रमन्त्री शिशिर खनालको नेतृत्वमा नेपाली प्रतिनिधिमण्डल महासभामा सहभागी हुने तय भएको थियो। तर भोटेकोशी बाढीपछि प्रधानमन्त्री शाह आफैँ नेपाली प्रतिनिधिमण्डलको नेतृत्व गर्दै न्यूयोर्क जाने निर्णय भएको हो।

प्रधानमन्त्रीको भ्रमण टोलीमा करिब १० जनासम्म सदस्य रहने बताइएको छ।