काठमाडौं। नेकपा (एमाले) का महासचिव शंकर पोखरेलले फेसबुकको स्टाटसमार्फत जेनजी पुस्ताको माग पूरा गर्नुपर्ने बताएका छन्।

उनले सेवा प्रवाहलाई सुलभ बनाउनुपर्ने पनि भनेका छन्।

गत वर्ष भदौ २३ र २४ गते भएको शान्तिपूर्ण जेनजी प्रदर्शनलाई हिंसात्मक बनाउने षड्यन्त्रकारीहरूलाई पहिचान गरी कारबाही गर्नुपर्ने माग गरेका छन्।

वर्तमान सरकारले जेनजी पुस्ताको वास्तविक भावनाको कदर गर्दै मुलुकमा सुशासन कायम राख्ने र विधिको शासन स्थापित गर्नुपर्ने विषयलाई उनले अघि सारेका हुन्।

उनले भनेका छन्, नेकपा (एमाले) नवयुवाहरूको भावनाको सम्मान गर्न र जायज मागहरूलाई नवयुवाहरूसँग मिलेर सम्बोधन गर्न प्रतिबद्ध छ।

त्यस्तै, उनले जेनजी आन्दोलनमा जीवन गुमाउनेहरूप्रति भावपूर्ण श्रद्धाञ्जली अर्पण गर्दै उक्त आन्दोलनका घाइते र सन्तान गुमाउनेहरूप्रति समवेदना प्रकट गरेका छन्।