काठमाडौं । राष्ट्रिय स्वतन्त्र पार्टीका सभापति रवि लामिछानेले भदौ १० गते भोटेकोशी नदीमा आएको बाढीबाट प्रभावितहरूलाई ‘जलवायु अन्यायका पीडित’ भएको बताएका छन्।

उनले जलवायु संकटको मूल्य नेपाली नागरिकले चुकाउन नहुने भन्दै पीडितलाई श्रद्धाञ्जली दिएर मात्रै राज्यको दायित्व पूरा नहुने बताएका छन्।

लामिछानेले भने, ‘भदौ १० को भोटेकोशी बाढीका पीडित जलवायु अन्यायका पीडित हुन्। जलवायु संकटको मूल्य हामी चुकाउँदैनौँ। हामी केवल शोक मनाउँदैनौँ, केवल श्रद्धाञ्जली दिएर पुग्दैन। हामी जलवायु न्यायको माग गर्नेछौँ।’

उनले बाढीपीडितको न्यायका लागि आवाज उठाउने प्रतिबद्धतासमेत जनाएका छन्।