काठमाडौं । प्रमुख प्रतिपक्षी नेपाली कांग्रेसले बोलाएको विपक्षी दलको बैठकले भोटेकोशी बाढीपछिको उद्धार, राहत र पुनःस्थापनासम्बन्धी काम गर्न संसदीय समिति शीघ्र गठन गर्न सरकारलाई माग गर्ने  निर्णय गरेको छ।

सिंहदरबारस्थित कांग्रेस संसदीय दलको कार्यालयमा बिहीबार बसेको बैठकले यस्तो निर्णय गरेको नेकपा एमालेकी उपनेता पद्मा अर्यालले बताइन्।

उनका अनुसार बाढीबाट बाँचेका नागरिकलाई शीघ्र पुनःस्थापना गर्नुपर्ने तथा उनीहरूलाई मनोसामाजिक परामर्श दिनुपर्ने विषयमा सरकारको ध्यानाकर्षण गराउनेबारे बैठकमा छलफल भएको थियो।

यस्तै, सरकारले सञ्चालन गर्ने अभियानमा सहयोग गर्ने निर्णयसमेत बैठकले गरेको छ।