सुर्खेत। सुर्खेतमा श्रीमानले फरुवा प्रहार गर्दा एक महिलाको मृत्यु भएको छ।

चौकुने गाउँपालिका-५, रेक्चाकी ३० वर्षीया चन्द्रा देवकोटाको फरुवा प्रहारबाट मृत्यु भएको हो।

जिल्ला प्रहरी कार्यालय सुर्खेतका प्रवक्ता डीएसपी कविन्द्रसिं बोहोराका अनुसार चन्द्राका श्रीमान् ३२ वर्षीय गोपीराम जैसीले मंगलवार बिहान करिब १०ः२० बजे उनको टाउकोमा फरुवाले प्रहार गरेका थिए।

प्रहारबाट चन्द्राको घटनास्थलमै मृत्यु भएको प्रहरीले जनाएको छ।

घटनापछि स्थानीयले गोपीरामलाई नियन्त्रणमा लिएर राखेका छन्। घटनाको जानकारी पाएपछि प्रहरी टोली घटनास्थलतर्फ गएको छ।