काठमाडौै। नेपालमा जलवाष्पयुक्त न्यूनचापीय प्रणालीको प्रभाव देखिन थालेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार बङ्गालको खाडीमा विकसित भएको न्यूनचापीय प्रणालीका कारण मनसुन थप सक्रिय भई देशका विभिन्न भू-भागमा वर्षा भइरहेको छ।

विशेषगरी बागमती प्रदेशदेखि पूर्वतर्फका भू-भागमा यस प्रणालीको प्रभाव बढी देखिएको छ। न्यूनचापीय मौसमका कारण काठमाडौँ उपत्यकालगायत आसपासका क्षेत्रहरूमा दिनभरजसो बदली भई वर्षा भइरहेको छ।

मौसमविद्हरूका अनुसार मौसम पूर्ण रूपमा सुधार हुन केही समय लाग्ने भएकाले आवश्यक सतर्कता अपनाउन महाशाखाले अनुरोध गरेको छ।