धनुषाको मिथिला नगरपालिका-११ आँपगाछीमा पहिरो खस्दा घर पुरिएर एक महिलाको मृत्यु भएको छ। घटनामा घरभित्र रहेका अन्य चार जनाको सकुशल उद्धार गरिएको प्रहरीले जनाएको छ।

प्रहरीका अनुसार बिहान ९ः१० बजे राजन श्रेष्ठको एकतले टालीको छानो भएको घरमाथि पहिरो खसेको थियो। घटनाको जानकारी पाएलगत्तै इलाका प्रहरी कार्यालय ढल्केवर तथा मातहतका प्रहरी र सिन्धुलीस्थित इलाका प्रहरी कार्यालय भिमानबाट संयुक्त प्रहरी टोली उद्धारका लागि घटनास्थल पुगेको थियो।

साथै, उद्धारका क्रममा बिहान ११ बजे राजनकी श्रीमती अन्दाजी ३५ वर्षीया कमला श्रेष्ठलाई मृत अवस्थामा फेला पारिएको प्रहरीले जनाएको छ।

प्रहरीका अनुसार मृतककाे शव परीक्षणका लागि महोत्तरीको सरकारी अस्पताल बर्दिबास पठाइएको छ।