पाँचथर । नेपाली कांग्रेसको संस्थापनइतर पक्षले १५औँ महाधिवेशनअन्तर्गत पाँचथरको ६० वडामध्ये ४२ वडामा अधिवेशन सम्पन्न भएको दाबी गरेको छ ।

अधिवेशन सम्पन्न भएका वडामा संगठनात्मक गतिविधि थप सक्रिय बनेको केन्द्रीय प्रतिनिधि सूर्यकुमार दाहाल (एसके)ले बताए । उनका अनुसार बाँकी १८ वडामा पनि अधिवेशन सम्पन्न गर्न आवश्यक तयारी अघि बढाइएको छ।

वडा अधिवेशनमार्फत पार्टीको स्थानीय संगठनलाई व्यवस्थित बनाउने तथा क्रियाशील सदस्य र प्रतिनिधिको सहभागितालाई संस्थागत गर्ने प्रयास भइरहेको उनको भनाइ छ । वडा तहको अधिवेशनपछि पालिका, प्रदेशसभा क्षेत्र, जिल्ला, प्रदेश हुँदै केन्द्रीय तहसम्मको अधिवेशन प्रक्रिया अघि बढ्नेछ।

अधिवेशनलाई सहभागितामूलक र सौहार्दपूर्ण बनाउन सम्बन्धित तहका नेता तथा कार्यकर्तालाई सक्रिय भूमिका निर्वाह गर्न आग्रह गरिएको छ।