काठमाडौं । गृहमन्त्री सुधन गुरुङ भारत भ्रमणमा निस्किएका छन् । बिमस्टेक बैठकमा सहभागी हुन उनी केहीबेरअघि त्रिभुवन अन्तर्राष्ट्रिय विमानस्थल पुगेका हुन् ।

बंगालको खाडी बहुक्षेत्रीय प्राविधिक तथा आर्थिक सहयोग पहल (बिमस्टेक) अन्तर्गत हुने बैठकमा नेपालसहित सात देशका गृहमन्त्री सहभागी हुँदैछन् ।

बैठकमा नेपाल, बंगलादेश, भुटान, भारत, म्यानमार, श्रीलंका र थाइल्यान्डका गृहमन्त्री सहभागी हुने कार्यक्रम छ ।

क्षेत्रीय सहकार्यका विषयमा छलफल हुने बैठकमा सहभागी हुन गुरुङ भारत जान लागेका हुन् ।