काठमाडौं । नेपाली बजारमा सुनचाँदीको मूल्य लगातार तेस्रो दिन पनि घटेको छ। नेपाल सुनचाँदी व्यवसायी महासंघका अनुसार बुधबार (असोज २८) छापावाल सुनको मूल्य प्रतितोला २ हजार ७०० रुपैयाँले घटेको हो।

मूल्य घटेसँगै बुधबार छापावाल सुन प्रतितोला २ लाख ८९ हजार ५०० रुपैयाँमा कारोबार भइरहेको छ। मंगलबार सुनको मूल्य प्रतितोला २ लाख ९२ हजार २०० रुपैयाँ थियो। उक्त दिन सुनको मूल्य २ हजार २०० रुपैयाँले घटेको थियो।

यसअघि सोमबार पनि सुनको मूल्य प्रतितोला २ हजार १०० रुपैयाँले घटेर २ लाख ९४ हजार ४०० रुपैयाँमा झरेको थियो। आइतबार भने सुनको मूल्य ८०० रुपैयाँले बढेर प्रतितोला २ लाख ९६ हजार ५०० रुपैयाँ पुगेको थियो।

यस्तै, चाँदीको मूल्य पनि लगातार तेस्रो दिन घटेको छ। बुधबार चाँदी प्रतितोला १०० रुपैयाँले घटेर ४ हजार २५५ रुपैयाँ कायम भएको महासंघले जनाएको छ।

मंगलबार चाँदीको मूल्य प्रतितोला ६० रुपैयाँले घटेर ४ हजार ३५५ रुपैयाँमा झरेको थियो। साथै, सोमबार पनि २५ रुपैयाँले घटेर प्रतितोला ४ हजार ४१५ रुपैयाँ कायम भएको थियो। आइतबार भने चाँदीको मूल्य ३५ रुपैयाँले बढेर प्रतितोला ४ हजार ४४० रुपैयाँ पुगेको थियो।