काठमाडौँ / राष्ट्रिय स्वतन्त्र पार्टी (रास्वपा) का सभापति रवि लामिछानेले बुधबार दिउँसो २ बजे पत्रकार सम्मेलन गर्दै हुनुहुन्छ ।

पार्टीका सांसद ढाकाकुमार श्रेष्ठको अडियो प्रकरणबारे पार्टीको अनुशासन आयोगले छानबिन गरी बुझाएको प्रतिवेदन र निर्णय बारे जानकारी दिन पत्रकार सम्मेलन गर्न लागिएको जनाइएको छ ।

रास्वपाको केन्द्रीय समितिको बैठक दिउँसो २ बजे पार्टी कार्यालय बसुन्धरामा बस्दैछ । बैठकबाट  निर्णय निक्लेपछि पत्रकार सम्मेलन गर्ने तयारी छ ।

दुर्गा प्रसाईंसँग रास्वपाका सांसाद ढाका कुमारले २ करोड रकम मागेको अडियोको आवाज आफ्नो नभएको दाबी गर्दै  आएका छन् ।