काठमाडौँ  – राष्ट्रिय स्वतन्त्र पार्टीका सभापति रवि लामिछानेका चालक शम्भु थापाको आज अन्त्येष्टि गरिँदै छ ।

लामिछानेका प्रमुख सहयोगी दीपक बोहराका अनुसार थापाको बिहान १०ः०० बजे पशुपति आर्यघाटमा अन्त्येष्टि गरिन लागिएको हो । चालक थापाको मङ्गलवार मेडिसिटी अस्पतालमा मृत्यु भएको थियो।

सभापति लामिछाने चुनावी प्रचार क्रममा चितवन पुगेका थापा वैशाख ४ गते छतबाट खसेपछि हेलिकप्टरबाट काठमाडौँ ल्याएर मेडिसिटीमा उपचार सुरु गरिएको थियो । 

चालक थापाको झन्डै डेढ महिनादेखि भेन्टिलेटरमा राखेर उपचार गरिएको थियो ।