संविधानमा रहेको अधिकारहरुलाई प्रयोग गर्नुपर्छ :अध्यक्ष नेपाल


काठमाडौँ / नेकपा एकीकृत समाजवादीका अध्यक्ष माधवकुमार नेपालले संविधानमा रहेको अधिकारहरुलाई प्रयोग गर्नुपर्ने बताउनुभएको छ ।
अनेरास्ववियूले एसइइ पास गरेका विद्यार्थीहरुलाई बधाई तथा शुभकामना दिन मंगलबार काठमाडौंमा आयोजना गरेको कार्यक्रममा अध्यक्ष नेपालले संविधानले सवैलाई पूर्णरुपमा अधिकार दिएको भन्दै ती अधिकारहरुलाई प्रयोग गर्नुपर्ने बताउनुभएको हो ।
धेरै ठूलो मेहनत गरेर बनाएको संविधानमा धेरै अधिकार दिइएको र अधिकारका कुराहरुलाई लागू गर्ने कुरामा कमी रहेको उहाले बताउनुभयो ।
अध्यक्ष नेपालले सवैले देशको हितलाई केन्द्रविन्दुमा राखेर अघि बढ्नुपर्ने भन्दै स्वाधीनता र सम्मानमा ठेस लाग्ने काम भए स्वीकार्य नहुने धारणा राख्नुभयो । उहाले मुलुकमा एकअर्काले भेदभाव, अत्याचार गर्ने प्रवृतिले देशले प्रगति गर्न नसक्ने उल्लेख गर्नुभयो ।
त्यस्तै अध्यक्ष नेपालले इमान्दार र मेहनती भएर अघि बढे जस्तोसुकै क्षेत्रमा पनि सफलता हासिल गर्न सकिने बताउनुभयो ।