काठमाडौ– सर्वोच्च अदालतले ज्यान मुद्दामा दोषी ठहर भएका योगराज ढकाल रिगलको कैद मिनाहा गर्नुको कारण पेश गर्न सरकारलाई आदेश दिएको छ । आज न्यायाधीश मनोजकुमार शर्माको इजलासले राष्ट्रपति कार्यालय, प्रधानमन्त्री तथा मन्त्रिपषिद कार्यालय लगायतका विपक्षीलाई कैद मिनाहा गर्नुको लिखित कारण पेश गर्न आदेश दिएको हो ।

रिगलको कैद माफी गर्दा भएका सबै निर्णयको सक्कल प्रति झिकाउन पनि अदालतले आदेश दिएको छ । सर्वोच्चले मुद्दाको सुनुवाइको दिन बहसमा महान्यायाधिवक्तालाई उपस्थित हुन आदेश दिएको छ । संविधान दिवसको अवसर पारेर ३ असोजमा मन्त्रिपरिषदको सिफारिसमा राष्ट्रपतिले योगराज ढकालको कैद मिनाहा गरेका थिए ।