काठमाडौं । राष्ट्रिय परिचयपत्र तथा पञ्जीकरण विभागले राष्ट्रिय परिचयपत्रका लागि तस्बिर खिच्दा सिन्दूर र टीका समेत लगाउन नपाइने नियम हटाएको छ ।

विभागले सबै जिल्ला प्रशासन कार्यालयलाई परिपत्र गर्दै राष्ट्रिय परिचयपत्रका लागि तस्बिर खिच्दा आफ्नो संस्कृति र जातीय पहिचान जनाउने पोशाक र पहिरन लगाउन मिल्ने जनाएको हो । यसअघि राष्ट्रिय परिचयपत्रका लागि तस्बिर लिँदा सिन्दूर, टीका हटाउन लगाउने गरेको थियो । सरकारको यो निर्णयको सर्वत्र विरोध भएको थियो ।