काठमाडौँ । ‘मनरो डक्ट्रिन’बारे विवादित अभिव्यक्ति दिएका राष्ट्रिय स्वतन्त्र पार्टीका उपाध्यक्ष डा. स्वर्णिम वाग्लेलाई बेलैमा आफ्नो भूल सच्याउन पूर्वप्रधानमन्त्री डा. बाबुराम भट्टराईले सुझाव दिएका छन् ।

सामाजिक संजालमार्फत भट्टराईले ‘मनरो डक्ट्रिन’ जस्तो एउटा सार्वभौम देश अर्को देशको प्रभाव क्षेत्र कायम गर्ने कुरा किमार्थ स्वीकार्य नहुने भन्दै वाग्लेलाई आफ्नो भूल सच्याउन सुझाएका हुन् ।

उनले भनेका छन्, ‘मनरो डक्ट्रिन’जस्तो एउटा सार्वभौम देश÷क्षेत्रमा अर्को देशको ‘प्रभाव क्षेत्र’ कायम गर्ने कुरा किमार्थ स्वीकार्य हुन सक्दैन ! नेपाल जस्तो दुई ठूला देशको वीचमा रहेको मुलुकनिम्ति त झन् अकल्पनीय कुरा हो ! बेलैमा भूल सच्याउनु राम्रो होला !’