काठमाडौं । प्रहरीले काठमाडौंको बौद्धबाट २० जना जुवाडेलाई पक्राउ गरेको छ । काठमाडौं महानगरपालिका वडा नम्बर ६ बौद्ध रामहिटी रामनगर पार्टी प्यालेस नजिकैबाट जुवा खेलिरहेका २० जनालाई पक्राउ गरेको जिल्ला प्रहरी परिसर काठमाडौंले जनाएको छ । परिसर र प्रहरी वृत्त बौद्धबाट खटिएको टोलीले उनीहरुलाई पक्राउ गरेको हो ।

पक्राउ पर्नेमा रामहिटीका ४३ वर्षीय सुर्य भन्ने रामबहादुर सुनार, सुमेश लामा, मकवानपुरका चिनकुमार गोले, मोरङ गछियाका सन्तोष कालिकोटे, काठमाडौंको कपनका सुनिल बानियाँ, सिन्धुपाल्चोक इन्द्रावतीका कृष्ण भुजेल, भक्तपुर मध्यपुर ठिमीका प्रेम गहतराज, सिन्धुपाल्चोकका लाल बहादुर बिक, चितवनका रामकृष्ण बिक, सिन्धुपाल्चोक हेलम्बुका भीम बराइली छन् ।

त्यस्तै रामेछाप मन्थलीका बीरबहादुर मगर, काठमाडौंको कागेश्वरी मनोहराका कृष्णबहादुर बुढाथोकी, चितवनका पूर्णबहादुर सेन्चुरी, सिन्धुपाल्चोकका दिपेन सुनार, ललितपुरका रोशन सुनार, महोत्तरीका विजयकुमार पण्डित, काभ्रेका तेन्जिङ लामा, धनकुटाका गुणराज बिक, चितवनका अनिल बिक र सिन्धुपाल्चेकका नारायण बिक छन् । उनीहरूको साथबाट ६ लाख ६९ हजार ८१० नगद बरामद गरेको प्रहरीले जनाएको छ ।