काठमाडौँ । इङ्लिस प्रिमियर लिगअन्तर्गत टोटनह्यामले म्यानचेस्टर सिटीमाथि शानदार जित हासिल गरेको छ । शनिबार राति सिटीको घरेलु मैदानमा भएको खेलमा टोटनह्यामले सिटीलाई ४–० गोल अन्तरले पराजित गरेको हो।

टोटनह्यामको जितमा जेम्स माडिसनले दुई गोल गरेका थिए भने पेड्रो पोर्रो र ब्रेनान जोन्सनले एक एक गोल गरे । पहिलो हाफमा २–० को अग्रता बनाएको टोटनह्यामले दोस्रो हाफमा थप दुई गोल गर्न सफल भयो।

यो जितपछि टोटनह्यामले महत्वपूर्ण तीन अंक हासिल गर्दै लिमा छैटौं स्थानमा उक्लिएको छ। 

टोटनह्यामको १२ खेलमा १९ अंक भएको छ। सिटीको यो लगातार पाँचौं हार हो। १२ खेलमा २३ अंक रहेको म्यानचेस्टर सिटी दोस्रो स्थानमा रहेको छ । एक खेल कम खेलेको लिभरपुलभन्दा पाँच अंकले पछाडी रहेको म्यानचेस्टर सिटीको उपाधि दौडमा यस हारले ठूलो धक्का लागेको छ ।