काठमाडौँ । नेपाल प्रिमियर लिग (एनपीएल)मा कर्णाली याक्सलाई सुदूरपश्चिम रोयल्सले ६ विकेटले पराजित गरेको छ । त्रिवि क्रिकेट मैदानमा कर्णालीले दिएको १०२ रनको लक्ष्य सुदूरपश्चिमले १५.२ ओभरमा ४ विकेट गुमाएर पुरा गर्यो ।

सुदूरपश्चिमको जितमा कप्तान दीपेन्द्र सिंह ऐरीले ३८ रन बनाएर आउट भए। उनले चौथो विकेटका लागि इशानसँग ६७ रनको साझेदारी गरे। इशान पाण्डेले ३८ रन अविजित रहे ।

ओपनर सेफ जईब ११, बिनोद भण्डारीले चार, ब्रान्डम म्याक मुलेनले तीन रन बनाए । त्यसअघि टस हारेर पहिले ब्याटिङ गरेको कर्णालीले १९.५ ओभरमा सबै विकेट गुमाएर १०१ रन बनाएको थियो ।

योसँगै जारी प्रतियोगितामा प्लेअफ पुग्ने टोलीको टुंगो लागेको छ। जनकपुर बोल्टससँगै, चितवन राइनोज, सुदूरपश्चिम रोयल्स र कर्णाली याक्स प्लेअफमा प्रवेश गरेका छन् ।