काठमाडौं । राष्ट्रिय प्रजातन्त्र पार्टीले आज काठमाडौंमा प्रदर्शन गर्दै छ । राप्रपाले निषेधित क्षेत्र तोडेर प्रदर्शन गर्न लागेको हो । राप्रपाले यस्तो चुनौती दिएसँगै सरकारले बिहानैदेखि सुरक्षा व्यवस्था कडा पारेको छ ।

त्यस्तै प्रदर्शनका कारण हुन सक्ने सवारी जामलाई मध्यनजर गर्दै ट्राफिक प्रहरीले डाइभर्सनको पनि तयारी गरेको छ । राप्रपाले निषेधित क्षेत्र तोड्ने बताएसँगै गृह मन्त्रालयले यसबारे आफ्नो गम्भीर ध्यानाकर्षण भएको जनाएको छ ।

गृह मन्त्रालयले संविधान र कानुनको ठाडो उल्लंघन गरी समाजमा अशान्ति फैलाउने उद्देश्यले गरिने कुनै पनि गतिविधि सह्य नहुने चेतावनी दिएको हो ।