काठमाडौं । नेकपा एमालेका सांसद रघुजी पन्त निजामती कर्मचारीलाई ’कुलिङ पिरियड’ राख्नुपर्ने पार्टीको प्रस्तावविरुद्ध उभिएका छन् ।

बुधरबार संसदको राज्य व्यवस्था तथा सुशासन समितिको बैठकमा सांसद पन्तले अवकासपछिको नियुक्तिमा ‘कुलिङ पिरियड’ नै राख्न नुहने बताएका हुन् ।

कांग्रेसले दुई वर्ष र एमालेले एकवर्ष ‘कुलिङ पिरियड’ राख्नुपर्ने प्रस्ताव गरेकोमा पन्तले भने राख्नै नहुने बताएका छन् ।

पन्तले भने, ‘ नरहे बाँस, नबजे बाँसुरी भने जस्तो यसमा अल्झेर बस्नु हुँदैन । कुलिङ पिरियड नै नराखौं ।’

सांसद पन्तले यो विषयमा अल्पमत र बहुमतको आधारमा निर्णय लिन नहुने बताएका छन् ।