काठमाडौं । सहकारी ठगी मुद्दामा थुनामा रहेका राष्ट्रिय स्वतन्त्र पार्टीका सभापति एवं पूर्व उपप्रधान तथा गृहमन्त्री रवि लामिछानेलाई नक्खु कारागार सरुवा गरिने भएको छ । हाल पुर्पक्षका लागि रुपन्देही जिल्ला कारागारमा रहेका उनलाई नक्खु कारागार ल्याउने निर्णय गरिएको हो ।

यसअघि नै कारागार सरुवाका लागि निवेदन दिएका रबी लामिछानेको सरुवा भने भएको थिएन । आजै उनलाई कारागार सरुवाका लागि निर्णय गरेर रुपन्देही पठाइएको कारागार विभागका महानिर्देशक लीलाप्रसाद शर्माले जानकारी दिए ।,

रबी लामिछानेले मन्जुरीनामा नै नक्खु कारागार भनेर मागेको र सोही अनुसार निर्णय भएको उनले बताएका छन् ।