काठमाडौं । नेकपा माओवादी केन्द्रका उपमहासचिव जनार्दन शर्माले संसदसँगै पुराना पार्टीहरू पनि विघटनको दिशामा गएको टिप्पणी गरेका छन् । अब पुराना र नयाँ पार्टीहरूले पनि आन्दोलनको म्याण्डेट अनुसार पुनर्गठन गर्नुपर्ने बताएका छन् ।

उनले भनेका छन्, ‘संसद् विघटनसँगै पुराना र नयाँ भनिएका पार्टीहरू पनि विघटनको दिशामा पुगेका छन् । अब आन्दोलनको म्याण्डेट र जनअपेक्षा अनुसार गम्भीर आत्मसमीक्षासहित पुनर्गठन र पुनर्संरचनाको महाअभियान सुरु गरौं ।’ माओवादीमा यसअघिदेखि नै शर्माले प्रचण्ड नेतृत्वमाथि प्रश्न उठाउँदै पुनर्गठनको माग गर्दै आएका थिए । उनले पार्टीमा नेतृत्व हस्तान्तरणको कुरा उठाउँदै आएका थिए ।