काठमाडौं । नेपाल राष्ट्र बैंकले दसैंका लागि सुकिला नोट वितरण गर्न सुरु गरेको छ। राष्ट्र बैंकले दसैँका लागि लक्षित गर्दै तोकिएका स्थानहरुबाट सुकिलो नोट वितरण सुरु गरेको हो । दसैँका लागि राष्ट्र बैंकले भदौ २९ गतेदेखि असोज १० गतेसम्म सुकिला नोट वितरण सुरु गरेको हो ।

राष्ट्र बैंकले तोकिएका कार्यालयहरू र बैंक तथा वित्तीय संस्थाहरूबाट सुकिला नोट सटही गर्न सक्ने जनाइएको छ ।

राष्ट्र बैंकका अनुसार साना दरका नोट सटहीका लागि राष्ट्र बैङ्कको थापाथलीस्थित मुद्रा व्यवस्थापन विभाग प्रदेशस्थित कार्यालय विराटनगर, जनकपुर, वीरगञ्ज, पोखरा, सिद्धार्थनगर, नेपालगन्ज र धनगढीबाट सुकिला नोट सटही गर्न सकिने छ ।