काठमाडौं । नेकपा माओवादी केन्द्रले घोषित मितिमै निर्वाचन गराउन सरकारसँग माग गरेको छ । आज (बुधबार) को स्थायी कमिटीको बैठकले फागुन २१ मै निर्वाचन गर्न सरकारसँग माग गर्ने निर्णय भएको प्रवक्ता अग्नि सापकोटाले जानकारी दिए । तोकिएकै मितिमा निर्वाचन गराउनका लागि पार्टीले आवश्यक भूमिका खेल्ने पनि बताएका छन् । जेनजीसहित परिवर्तनकारी शक्तिहरूसँग संवाद गर्ने र समाजवादी मोर्चा र विचार मिल्ने शक्तिहरूसँग एकताको लागि प्रभावकारी पहल गर्ने निर्णय पनि बैठकले गरेको छ ।

विशेष महाधिवेशनसहित केन्द्रीय समितिका एजेण्डा तय
नेकपा माओवादी केन्द्रले मंसिरमा विशेष महाधिवेशन गर्नेसहितका एजेण्डा तय गरेको छ । स्थायी समिति बैठकले भोलि बस्ने केन्द्रीय समिति बैठकका लागि विशेष महाधिवेशनसहितका एजेण्डा तय गरेको हो । असोज ५ गते बसेको पदाधिकारी बैठकमा माओवादी अध्यक्ष पुष्पककमल दाहाल ‘प्रचण्ड’ ले केन्द्रीय समिति भंग गरेर विशेष महाधिवेशनमा जाने प्रस्ताव गरेका थिए ।