काठमाडौं । राष्ट्रपति रामचन्द्र पौडेलले बिहीबार राष्ट्रपति कार्यालय शितल निवासमा हनुमानढोकास्थित दसैंघरका मूल पुजारी देवराज अर्यालबाट दसैँको टीका लगाएका छन् ।

उनले बिहान ११ बजेर ५३ मिनेटको शुभ साइतमा टीका प्रसाद ग्रहण गरेका हुन् । तर राष्ट्रपति पौडेल आफूले भने यसपालि सर्वसाधारण नागरिकलाई टीका लगाइदिएनन् । देशको विषम परिस्थितिका कारण यस वर्ष उनले टीका लगाइ दिने कार्यक्रम नराखिएको राष्ट्रपतिको कार्यालयले जनाएको छ ।