काठमाडौं । नेकपा (एमाले) को सचिवालयको बैठक सुरु भएको छ । पार्टी अध्यक्ष केपी शर्मा ओलीको निवास गुण्डुमा बैठक सुरु भएको हो । बैठकले आगामी असोज २७ देखि २९ गतेसम्म बस्ने तय भएको केन्द्रीय समिति बैठकको एजेण्डाको तयारीबारे छलफल हुने बताइएको छ ।

जेनजी आन्दोलनपछि एमालेमा पार्टी पुनर्गठनको आवाज उठिरहेका बेला त्यसबारे कसरी अगाडि बढ्ने भन्नेमा आजको बैठकमा छलफल हुनेछ । सचिवालयका बहुमत सदस्य पार्टी पुनर्गठनको पक्षमा छन् ।