काठमाडौं । वामपन्थी एकता प्रक्रियालाई तीव्र बनाउने प्रयासका बीच आज माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका सम्मानित नेता झलनाथ खनाल र महासचिव घनश्याम भुसालबीच महत्वपूर्ण भेटवार्ता भएको छ । खनालसँगै पार्टी महासचिव धनश्याम भुसाल पनि प्रचण्ड निवास पुगेर करिब एक घण्टा लामो छलफलमा सहभागी भएका छन् ।

माओवादी केन्द्रका वरिष्ठ नेता नारायणकाजी श्रेष्ठका अनुसार भेटवार्ता अझै जारी रहे पनि प्रारम्भिक वातावरण सकारात्मक रहेको छ । ‘हामी एउटै केन्द्रमा एकताबद्ध हुनुपर्छ भन्ने आग्रह गरेका छौँ,’ श्रेष्ठले सुनाए, ‘उहाँहरूले पनि पदीय बार्गेनिङ होइन, नीतिगत सहमतिको आधारमा अघि बढ्ने संकेत गर्नु भएको छ ।’ श्रेष्ठका अनुसार छलफलमा केही नीतिगत विषय अझै खुल्न बाँकी भए पनि आगामी एकदेखि डेढ घण्टाभित्र निर्णय आउने अपेक्षा गरिएको छ ।

श्रेष्ठले दिउँसो तय गरिएको नौ वामपन्थी दलबीचको एकता प्रक्रियामा खनाल र भुसाल पनि सहभागी हुन सक्ने सम्भावना प्रबल रहेको बताए । ‘अन्तिम टुंगो नलागे पनि वार्ता सकारात्मक दिशातर्फ छ,’ उनले भने, ‘एकता प्रक्रियामा उहाँहरू सहभागी हुनुहुने सम्भावना छ ।’ पूर्व प्रधानमन्त्री खनालले यसअघि एमाले अध्यक्ष केपी शर्मा ओलीसँग पनि वाम एकताको विषयमा संवाद गरेका थिए । तर, ओलीसँग सहमतिको सम्भावना नरहेको भन्दै खनाल माओवादी केन्द्रसँगको संवादमा जोडिएका हुन् । यस भेटवार्तालाई वामपन्थी एकता प्रक्रियामा नयाँ गतिका रूपमा हेरिएको छ । भेटवार्ता सकारात्मक रहेको भन्दै श्रेष्ठको अबको एक डेढ घण्टामा निर्णय आउने बताए ।

‘एक–डेढ घण्टामा निर्णय आउँला । हामीले एउटै केन्द्रमा बस्नु पर्छ भनेर उहाँहरुलाई आग्रह गरेका छौँ,’ प्रचण्डसँगै रहेका श्रेष्ठले भने, ‘उहाँहरूले हाम्रो पदीय बार्गेनिङ होइन भन्नु भएको छ । नीतिगत रुपमा केही विषयमा छलफल भइरहेको छ । त्यो छलफलपछि मात्रै निष्कर्ष आउँछ । एक–डेढ घण्टाजति समय लाग्ला । सकारात्मक निर्णय आउने छ भन्ने आशा गरौं ।’

छलफल सकारात्मक भएको भन्दै उनले आज दिउँसो हुन लागेको नौ वामपन्थी दलबीचको एकता प्रक्रियामा पनि खनाल र भुसाल सहभागी हुन सक्ने संकेत गरे । ‘विषय टुंगिसकेको त छैन, तर सकारात्मक छ । एकता प्रक्रियामा आउनु होला भन्ने आशा गरौँ,’ श्रेष्ठले भने ।
पूर्व प्रधानमन्त्री समेत रहेका खनालले गए राति एमाले अध्यक्ष केपी शर्मा ओलीसँग पनि वामपन्थी एकताको विषयमा कुराकानी गरेका थिए । तर, ओलीसँग एकता सम्भव नभएको खनालले बताएका छन् ।