काठमाडौं । खगेन्द्र सुनार नेतृत्वमा हाम्रो पार्टी नेपाल निर्वाचन आयोगमा दर्ता भएको छ । सोमबार मध्याह्न निर्वाचन आयोगमा बाजागाजासहित पुगेर सुनारसहितले पार्टी दर्ता पत्र लिएका हुन् । उनीहरूले गत कात्तिक १८ गते दल दर्ता निवेदन दिएका थिए भने आज आधिकारिकता प्रमाण पत्र लिएका हुन् । कात्तिक १८ गते आयोगमा निवेदन दिएको उक्त पार्टीको दर्ता नम्बर २१६ रहेको छ ।

पार्टीको सभापतिमा सुनार आफै कायम भएका छन्, भने अन्य २० जनालाई केन्द्रीय सदस्य तोकिएको छ । स्मरण रहोस्, एक महिनाअघि सुनार मन्त्रीको लागि सिफारिसमा परेका थिए । तर, विभिन्न जिल्लामा उनीविरुद्धको उजुरी तथा मुद्धा विचाराधीन अवस्थामा रहेको विषय सार्वजनिक भएपछि सुनारको नाम हटाइएको थियो ।

तस्वीरहरु : नेपाल फोटो लाइब्रेरी