काठमाडौँ । शिक्षा, विज्ञान तथा प्रविधिमन्त्री महावीर पुनले सिंहदरबार घेरेर मात्र देश विकास नहुने बताएका छन् । सामाजिक सञ्जालमा फेसबुकमा एक स्ट्याटस लेख्दै उनले जेनजीहरुलाई कार्यशैली सुधार्न आग्रह गरेका छन् ।

उनले लेखेका छन्, ‘अहिलेको परिस्थितिमा सिंहदरबार घेरेर मात्र देश विकास हुँदैन भन्ने कुरा युवाहरूले खोइ त बुझेको ? अहिलेको युवा पुस्तासहित भावी पुस्ताहरूको भविष्य उज्ज्वल बनाउने एउटै मात्र बाटो भनेकै फाल्गुन २१ गतेको आम चुनावमा धेरै भन्दा धेरै युवा नेताहरूलाई जिताएर बुढा नेताहरूलाई बिदा गर्नु हो ।’

मन्त्री पुनले बुढा नेताहरू लोभीपापी र स्वार्थी समूहहरूले घेरिएकोले देशको संयन्त्रहरू बरबाद गरिरहेको पनि उल्लेख गरेका छन् । उनले युवाको यस्तो गतिविधिले देश कहिले बन्छ भन्दै प्रश्न गर्दै मन्त्री पुनले कि त अन्तिम उपाय पूर्ण क्रान्ति गर्नुपर्ने बताएका छन् ।