ढाका । बङ्गलादेशकी पूर्व प्रधानमन्त्री खालिदा जियाको स्वास्थ्य अवस्था अस्पताल भर्ना भएयता लगातार बिग्रिएको छ । उनका परिवार र पार्टीका सदस्यहरूले नागरिकहरूलाई उनको शीघ्र स्वास्थ्य लाभको लागि प्रार्थना गर्न अनुरोध गरेका छन् ।

८० वर्षीया जिया फोक्सो सङ्क्रमणका लक्षण देखिएपछि अस्पताल भर्ना भएकी थिईन् । बङ्गलादेश राष्ट्रिय पार्टीका नेता मिर्जा फख्रुल आलमगिरले भने,“डाक्टरहरूले हामीलाई उनको स्वास्थ्य अवस्था अत्यन्तै गम्भीर रहेको जानकारी दिएका छन् ।”

केही वरिष्ठ नेता र समर्थकहरूले अस्पताल पुगेर उनको स्वास्थ्य अवस्थाबारे जानकारी लिएका छन् । समाचार अनुसार, जियालाई मिर्गौला सम्बन्धी समस्या, मधुमेह, फोक्सो समस्या र आँखासम्बन्धी रोग छन् ।

उनकी जेठी छोरी तारिक रहमानले भन्छिन्,“हामी सबैको प्रार्थना र माया प्रति हार्दिक धन्यवाद व्यक्त गर्छौं ।”

खालिदा जिया तीनपटक प्रधानमन्त्री रहिसकेकी छिन् । सन् २०१८ मा भ्रष्टाचारको मुद्दामा जेल चलान गरिएकी जियालाई विदेशमा उपचार गर्न पनि अनुमति थिएन । उनी गत वर्ष रिहा भएकी थिइन् ।