काठमाडौँ । काठमाडौं महानगरपालिकाका मेयर बालेन शाहका बुवा रामनारायण शाहको अवस्था गम्भीर भएपछि अस्पताल भर्ना भएका छन्। शाहलाई आइतबार बिहानै अस्पताल लगिएको थियो । उनको अहिले भेन्टिलेटरमा राखेर उपचार भइरहेको अस्पताल स्रोतले जानकारी दिएको छ।

पिसाबमा संक्रमण भएपछि शरीरमा फैलिएको छ। साथै मस्तिष्कमा पनि असर देखिएको छ। अहिले उनी अचेत अवस्थामा रहेको स्रोतले जनाएको छ।

अस्पताल स्रोतका अनुसार शाहको अवस्था गम्भीर छ। अरू समस्या पनि देखिएको छ। जस्का कारण मेयर बालेनका बुवालाई भेट्न प्रधानमन्त्री सुशीला कार्की सोमबार बिहान १० बजे अस्पताल पुगेकी थिइन्।