बाजुरा । बाजुराको सदरमुकाम मार्तडी बजारमा भीषण आगलागी भएको छ । बजारको एक पसलमा लागेको आगो निभाउने प्रयास जारी छ । आगलागीको कारण खुलेको छैन । जिल्ला प्रहरी कार्यालय बार्तडीका सूचना अधिकारी लक्ष्मीराज जोशीका अनुसार दिउँसो करिब १२ः२० बजेतिर आगलागी सुरु भएको हो । दमकल नहुँदा आगो निभाउन समस्या भइरहेको छ । बजारवासीले प्रहरीको सहयोगमा स्थानीय स्रोत साधन प्रयोग गरी आगो निभाउने प्रयास गरिरहेका छन् ।