काठमाडौं । नेपाली कम्युनिष्ट पार्टी (नेकपा) का नेता नारायणकाजी श्रेष्ठले पार्टीमा भ्रष्टाचार गर्ने र अराजकता मच्याउनेलाई ठाउँ नभएको दावी गरेका छन्। मधेश प्रदेशस्तरीय सन्देश सभालाई सम्बोधन गर्दै पार्टीलाई सुदृढ बनाएर लैजानुपर्ने बताए।

उनले भने, ‘पार्टी एकता गरेर मात्रै हुँदैन, पार्टीलाई सुदृढ बनाउनु पर्छ । हामीले विधि र पद्धतिमा पार्टी चलाउनु पर्छ, कार्यकर्ताको न्यायोचित मूल्याङ्कन हुनुपर्छ।भ्रष्टाचार गर्ने र घुस खाने नेकपामा छैनन् भन्ने बनाउनु पर्छ, कुशासन र अराजकहरू पार्टी टिक्दैनन् भन्ने बनाउनु पर्छ ।’ उनले विगतको आत्मसमीक्षासहित जनतामा जानुपर्ने बताएका छन्।