काठमाडौं । प्रधानमन्त्री सुशीला कार्की र पूर्व राष्ट्रपति विद्यादेवी भण्डारीबीच भेटवार्ता भएको छ । भण्डारी जेन–जी आन्दोलनको क्रममा आगजनी गरिएका संरचना अवलोकनमा सिंहदरबार गएकी थिइन् । सोक्रममा प्रधानमन्त्रीसँग भेटघाटको चाँजोपाँजो मिलाइएको हो । दुई जनाबीच समसामयिक विषयसँगै निर्वाचनको तयारीबारे सरकारले गरिरहेका काम कारबाहीबारे छलफल भएको बताइएको छ ।

यस्तै पूर्व राष्ट्रपति भण्डारीले जेन–जी आन्दोलनका क्रममा आगजनीमा परेको सिंहदरबारको अवलोकन गरेकी छन् । उनी आज दिउँसो २ बजे सिंहदरबार पुगी सिंहदरबार, ग्यालरी बैठक भवनको समेत अवलोकन गरेकी हुन् । भदौ २३ र २४ गतेको जेन–जी आन्दोलनका क्रममा आगजनी हुँदा सिंहदरबारको पक्षीम भाग पूर्ण रुपमा क्षति भएको छ ।
तस्वीर : नेपाल फोटो लाइब्रेरी