काठमाडौं । काठमाडौंको बुद्धनगरमा एक जना प्रहरी मृत फेला परेका छन् । सोमबार बिहान सवा ८ बजेतिर काठमाडौं महानगरपालिका–१० बुद्धनगरस्थित डेरामा उदयपुर गाईघाटका बलबहादुर मगर मृत फेला परेका हुन् । जिल्ला प्रहरी परिसर काठमाडौंका एसपी पवनकुमार भट्टराईले बलबहादुर शौचालयमा झुण्डिएको अवस्थामा फेला परेको र अस्पताल पु¥याउँदा मृत्यु भइसकेको जानकारी आएको बताए । शव पोष्टमर्टमको लागि त्रिवि शिक्षण अस्पताल पठाएको छ । मृतक कुन पद र कार्यालयमा कार्यरत थिए भन्ने यकिन भइसकेको छैन । घटनाबारे अनुसन्धान गरिरहेको एसपी भट्टराईले बताए ।