काठमाडौं । नेपाली सेनाका तीन सहायक रथी उपरथीमा बढुवा भएका छन् । पाइलट सहायक रथी रामसुन्दर बोहोरा, सहायक रथी भुवन खत्री र प्राविधिक (इन्जिनियर) सहायक रथी धर्मेन्द्रकुमार झा उपरथीमा बढुवा भएका हुन् । उपरथीमा बढुवा भएका सहायक रथी भुवन खत्रीले स्टाफ कलेज शिवपुरीको जिम्मेवारी पाएका छन् । यसअघि ६ उपरथी सरुवा हुँदा स्टाफ कलेज रिक्त थियो ।

उपरथीमा बढुवा भएका तीनै जनालाई शुक्रबार प्रधानसेनापति अशोकराज सिग्देलले दर्ज्यानी चिन्ह प्रदान गरेका छन् । उनीहरुलाई पुस ११ गते बसेको मन्त्रिपरिषद् बैठकले बढुवा गर्ने निर्णय गरेको थियो । यस्तै महासेनानी विजितराज रेग्मी पनि सहायक रथीमा बढुवा भएका छन् । पहिल्यै बढुवा भएका रेग्मीले दर्ज्यानी चिन्ह लगाउन बाँकी थियो । ५ जना प्रमुख सेनानी महासेनानीमा बढुवा भएका छन् । उनीहरुलाई पनि दर्ज्यानी चिन्ह प्रदान गरिएको छ ।