काठमाडौं । राजधानीको भृकुटीमण्डपमा आजबाट सुरू भएको नेपाली काँग्रेसको विशेष महाधिवेशनको बन्द सत्र सोमबार बिहान ८ बजेबाट सुरू हुने भएको छ ।

काँग्रेसका दुई महामन्त्री गगन थापा र विश्वप्रकाश शर्माको अगुवाईमा भएको विशेष महाधिवेशनमा ५० प्रतिशत भन्दा बढी महाधिवेशन प्रतिनिधिहरूले सहभागिताका लागि हस्ताक्षर गरिसकेका छन् ।

आइतबारको विशेष महाधिवेशन उद्घाटन सत्रमा पार्टी सभापति शेरबहादुर देउवा पक्ष भने उपस्थित भएको छैन । उद्घाटन सत्रमा बोल्ने अधिकांश वक्ताहरूले पार्टी सभापति देउवालाई सोमबार हुने बन्द सत्रमा प्रमुख अतिथिका रुपमा उपस्थित हुन आग्रह गरेका थिए ।