काठमाडौं । नेपाली कांग्रेसका महामन्त्री गगन थापाले पार्टीभित्र विचार र मूल्यमान्यताको संघर्ष गरिएको बताएका छन् । उनले पार्टीको सत्ताको संघर्ष नगरिएको स्पष्ट पारे ।

काठमाडौंको भृकुटीमण्डपमा आइतबारदेखि सुरु विशेष महाधिवेशनमा उनले भने, ‘पार्टीभित्रको सत्ता संघर्षको कारणले कोही यहाँ उपस्थिति भएको कोही नभएको दृष्य देखियो होला । यो संघर्ष हो । तर पार्टीमा विचारको संघर्ष हो । मूल्यमान्यताको संघर्ष हो । पार्टी सत्ताको होइन ।’

उनले अहिले पार्टीभित्र देश र नागरिकलाई कसरी बुझ्ने भन्ने संघर्ष भएको पनि बताए ।

उनका अनुसार अब विशेष महाधिवेशनलाई ‘विशेष’ नै बनाएर समापन गरिने छ ।