काठमाडौं । राष्ट्रपति रामचन्द्र पौडेलकी छोरी संज्ञा पोखरेल पौडेलले समानुपातिकको बन्दसूचीबाट नाम फिर्ता लिएकी छन् । प्रतिनिधिसभाको समानुपातिक सांसदका लागि कांग्रेसले निर्वाचन आयोगमा बुझाएको सूचीमा संज्ञाको पनि नाम थियो । हिजो आयोगमा उनले नाम फिर्ता लिएकी हुन् । उनी कास्कीबाट प्रतिनिधित्व गर्छिन् । उनी नेपाल महिला संघको राजनीतिमा सक्रिय रहँदै आएकी छिन् ।

वर्तमान राष्ट्रपति पौडेलकी छोरी संज्ञा र पूर्व राष्ट्रपति रामवरण यादवका छोरा डा. चन्द्रमोहनको नाम बन्दसूचीमा राखिएको विषयलाई लिएर सार्वजनिक रूपमा आलोचना भएको थियो । त्यसपछि स्वेच्छाले बन्दसूचीबाट नाम फिर्ता लिएको पौडेलले जानकारी दिइन् । ‘अहिलेको परिस्थितिअनुसार बन्दसूचीमा बस्न ठीक छैन भनेर नाम फिर्ता लिएको हुँ,’ उनले भनिन् ।