काठमाडौं । काठमाडौंमा खराब मौसमका कारण आन्तरिकसँगै अन्तर्राष्ट्रिय उडान समेत प्रभावित भएका छन् । बाक्लो हुस्सुले बुधबार बिहानैदेखि अधिकांश विमानस्थलको भिजिविलिटी कम हुँदा उडान अवतरणमा समस्या भएको हुन पुगेको त्रिभुवन अन्तर्राष्ट्रिय विमानस्थल (टीआईए) ले जनाएको छ ।

विमानस्थल कार्यालयका अनुसार अन्तर्राष्ट्रिय उडानतर्फ एयर इण्डिया बनारस ड्राइभर्ट भएको छ भने एयर चाइना आकाशमै होल्ड भएको छ । यस्तै, एयर इण्डियाका दुईटा र थाई एयरको एउटा उडान डिले भएको छ । यस्तै आन्तरिक उडानतर्फ तराई क्षेत्रमा उडानका लागि तयारी अवस्थामा रहेका जहाजहरू खराब मौसमका कारण डिले भएको कार्यालयले जानकारी दिएको छ । भरतपुर र ताम्लिङटारका उडान डिले भएका छन् ।