काठमाडौं । नेपाली कम्युनिस्ट पार्टी (नेकपा)का सांसद कृष्णप्रसाद अधिकारीले जेन–जी आन्दोलनमा हुनसक्ने घुसपैठबारे सरकार बेखबर भएकै कारण स्थिति नियन्त्रणमा कमान्डोलाई प्रयोग गर्नुपर्ने अवस्थामा पुगेको बताएका छन् ।

त्यही भएर आन्दोलनको पहिलो दिन ठूलो संख्यामा हताहती भएको बताए ।

‘कमान्डोले ताकेर घुँडामुनि हान्दैन, कमान्डोले चाहिँ छातिमै ताकेर गोली हान्ने हो,’ उनले बुधबार राष्ट्रियसभा बैठकमा भने, ‘त्यो घटना हामीले त्यो दिन (२३ भदौमा) देख्यौँ संसद् भवन भित्रबाट ।’

भोलिपल्ट २४ भदौमा देशलाई अस्थिरता र अराजकतामा लाने र असफल बनाउँदै आफ्नो स्वार्थसिद्ध गर्न चाहने तत्वहरूले घुसपैठबाट पूर्ण असफल बनाउने कार्य गरेको दाबी गरे ।

उनले घुसपैठ गरेर देशलाई नै खरानी बनाएको भन्दै आक्रोश पोखे ।