दार्चुला । राष्ट्रिय स्वतन्त्र पार्टी (रास्वपा) का वरिष्ठ नेता बालेन शाह सुदूरपश्चिम दौडाहाका क्रममा छन् । उनी आज डडेलधुरा, बैतडी र दार्चुला पुगेका छन् । उनले रास्वपा डडेलधुराका उम्मेदवार डा. तारा जोशी, बैतडीका उम्मेदवार हरिमोहन भण्डारी र दार्चुलाका उम्मेदवार राजेशसिंह सामन्तसँग भेट गरेका छन् । दार्चुलामा उनी पुग्दा थामिनसक्नु भिड लागेको छ । उनी गोकुलेश्वर पुग्दा सर्वसाधारणको घुइँचो लागेको थियो ।

वरपरका गाउँबाट उनलाई हेर्न सर्वसाधारण गोकुलेश्वर पुगेका थिए । उनी तीन दिनअघि काठमाडौँबाट पश्चिम तराईतिर लागेका थिए । बर्दियामा चुनावी भेटघाटपछि सुदूरुपश्चिम गएका थिए । मंगलबार कैलाली र कञ्चनपुरका चुनावी कार्यक्रममा व्यस्त रहेका थिए । आज बिहानै कैलालीबाट डडेल्धुरा, बैतडी हुँदै दार्चुला पुगेका हुन् ।
तस्वीरहरु : नेपाल फोटो लाइब्रेरी