काठमाडौं निर्वाचन क्षेत्र नं. ७ बाट प्रतिनिधि सभा सदस्यका उम्मेदवार प्रकाश श्रेष्ठले इमानदार राजनीति, विकासप्रेमी सोच र कर्तव्यनिष्ठ नेतृत्वको स्पष्ट सन्देशसहित चुनावी अभियानलाई तीव्र बनाएका छन्।

सादा जीवन, स्पष्ट विचार र जनताप्रतिको जिम्मेवारीलाई आफ्नो मूल पहिचान बनाउँदै आएका श्रेष्ठले काठमाडौं–७ लाई विकास र सुशासनको नमुना क्षेत्र बनाउने प्रतिबद्धता जनाएका छन्।

कार्यक्रममा बोल्दै उनले भने,“राजनीतिमा अब भाषण होइन, कामले बोल्ने नेतृत्व आवश्यक छ। जनताको विश्वास नै मेरो सबैभन्दा ठूलो शक्ति हो।”

स्थानीय तहदेखि राष्ट्रिय तहसम्म सक्रिय भूमिका निर्वाह गर्दै आएका प्रकाश श्रेष्ठलाई इमानदार र भरोसायोग्य नेताका रूपमा जनस्तरबाट व्यापक समर्थन मिल्दै गएको देखिन्छ।