काठमाडौं – काठमाडौं निर्वाचन क्षेत्र नं. ९ बाट उज्यालो नेपाल पार्टीले प्रतिनिधि सभा सदस्यका लागि रामेश्वर श्रेष्ठलाई उम्मेदवारको रूपमा अघि सारेको छ। देशप्रेम, इमानदार राजनीति र सामाजिक रूपान्तरणलाई मूल एजेन्डा बनाएर चुनावी मैदानमा उत्रिएका श्रेष्ठले युवाहरू, श्रमिक वर्ग र आम नागरिकलाई परिवर्तनको यात्रामा एकजुट हुन आह्वान गरेका छन्।

कार्यक्रममा बोल्दै उम्मेदवार श्रेष्ठले भने, “राजनीति पद र शक्तिका लागि होइन, देश र समाज बदल्ने माध्यम हुनुपर्छ। अब सचेत नागरिक मिलेर सुशासन, समानता र समृद्ध नेपाल निर्माणमा जुट्नुपर्छ।” उज्यालो नेपाल पार्टीले पुराना विकृति–विसंगतिविरुद्ध नयाँ सोच, नयाँ नेतृत्व र स्पष्ट दृष्टिकोणसहित काठमाडौं–९ मा बलियो उपस्थिति देखाउने दाबी गरेको छ।