काठमाडौं । टी-२० विश्वकपमा जिम्बावेले अप्रत्याशित नतिजा निकाल्दै अष्ट्रेलियालाई पराजित गरेको छ ।

श्रीलंकाको कोलम्बोमा भएको खेलमा जिम्बावे २३ रनले विजयी भएको हो । शुक्रबार बिहान अष्ट्रेलियाले टस जितेर जिम्बावेलाई ब्याटिङको निम्तो दिएको थियो । जिम्बावेले निर्धारित २० ओभरमा २ विकेट गुमाउँदै १६९ रन बनायो ।

जिम्बावेका ओपनर ब्रेन बेन्नेटले अविजित रहँदै ६५ रन बनाए भने तादिवानाशे मारुमानी र र्‍यान बर्लले ३५-३५ रन बनाए । अविजित रहेका सिकन्दर राजाले २५ रनको योगदान गरे ।

१७० रनको लक्ष्य पछ्याउँदै जवाफी ब्याटिङमा उत्रिएको अष्ट्रेलिया खेल सकिन ३ बल बाँकी छँदा १४६ रन बनाउँदा अलआउट भयो । म्याट रेनशले ६५ र ग्लेन म्याक्सवेलले ३१ रनको पारी खेल पनि अन्य ब्याटर चल्न सकेनन् । ट्राभिस हेडले १७ रन बनाउनु बाहेक कुनै पनि ब्यारले दोहोरो अंक जोड्न सकेनन् । क्यामरून ग्रीन, टिम डेभिड र म्याथ्युक खुनेमनले खाता पनि खोल्न सकेनन् ।

अष्ट्रेलिया सन् २०२१को टी-२० विश्वकप विजेता हो भने उसले ६ पटक एकदिवसीय विश्वपक जितेको छ ।