काठमाडौं । राष्ट्रिय स्वतन्त्र पार्टी (रास्वपा)को मधेस प्रदेशका पूर्वसभापति ममता शर्माले रास्वपाले जान्नेलाई छान्ने भन्दा पनि दागैदाग भएकाहरू र मुद्दाका चाङैचाङ भएकालाई छान्ने गरेको आरोप लगाएकी छन् ।

उनले सभापति रवि लामिछानेलाई लक्षित गर्दै नेतृत्व नै गलत भएको टिप्पणी गरिन् ।

‘जान्नेलाई छान्ने भनिन्थ्यो तर दागैदाग भएकाहरुलाई छान्ने र मुद्दामुद्दाको चाङ भएकाहरुलाई छान्ने भयो,’ उनले बुधबार कांग्रेस प्रवेश गर्दै भनिन्, ‘त्यहाँ नेतृत्व नै गलत भयो ।’

शर्माले बुधबार मात्रै रास्वपाको साधारण सदस्यसमेत नरहने गरी राजीनामा दिएकी हुन् ।

त्यस क्रममा उनले रास्वपाका निर्णयहरू आर्थिक अनियमितताबाट प्रेरित भएको भन्दै गम्भीर आरोप लगाएकी थिइन् ।