काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेले भ्रष्टाचारीको महलमा डोजर लगाउने चेतावनी दिएका छन् ।

आफ्ना वरिष्ठ नेता बालेन्द्र शाह (बालेन)लाई गरिब र सुकुम्बासी बस्तिमा डोजर चलाएर आतंक फैलाएको आरोप लागेपछि बचाउ गर्दै लामिछानेले भ्रष्टाचारीको महलमा रास्वपाको सरकार बन्दा डोजर चलाउने बताएका हुन् ।

उनले बालेनले गरिबको बस्तीमा डोजर चलाउँछन् भनेर भ्रम फैलाइएको भन्दै आपत्ति समेत जनाए ।

सुर्खेतमा चुनावी बाचापत्र सार्वजनिक गर्दै उनले भने, ‘कतिपय मान्छेलाई तर्साउने काम भइरहेको छ । बस्तीमा डोजर चल्छ भनिएको छ । गरिबको बस्तीले चिन्ता गर्नुपर्दैन डोजर चल्यो भने भ्रष्टाचारीको महलमा चलाउँछौँ । हामी गरिबको व्यवस्थापन गर्छौँ ।’

उनले रास्वपाका सबै उम्मेदवारलाई जिताउन आग्रह गरेका छन् ।